3 август 2021, сешанба

Кириш

Самарқанддаги ёғ-мой корхоналарининг 28тасида қонунбузилиш ҳолатлари аниқланган

Самарқанд вилоятида жойлашган 79 та ёғ-мой ишлаб чиқарувчи корхоналардан 32 тасида мониторинг-таҳлил ўтказилганда улардан 28 тасида турли қонунбузилиш ҳолатлари қайд этилган.

Вазирлар Маҳкамаси ҳузуридаги Агросаноат мажмуи устидан назорат қилиш инспекциясининг Самарқанд вилоят бошқармаси бош инспектори Баҳодир Раҳмоновнинг маълум қилишича, бошқарма томонидан вилоятдаги қишлоқ хўжалиги маҳсулотларидан озиқ-овқат ишлаб чиқарувчи корхоналарда мониторинг-таҳлил тадбирлари ўтказилганда бир қатор қонунбузилиш ҳолатлари аниқланган.

Жумладан, вилоятда фаолият олиб бораётган 79 та ёғ-мой корхонасининг 32 тасида пахта чигитини тўлиқ технологик циклда мақсадли қайта ишлаш, маҳсулот сифатини тасдиқловчи гигиеник хулоса ва мувофиқлик сертификатлари мавжудлиги тизимли равишда ўрганилиб, мониторинг-таҳлил ўтказилганда, уларнинг 28 тасида қонунбузилиш ҳолатлари содир этилгани аниқланган.

Қайд этилишича, мазкур ҳолатлар юзасидан Республика товар-хомашё биржасига тақдимнома киритилган. 3 та ёғ-мой корхонаси юзасидан тўпланган ҳужжатлар, тегишли қарор қабул қилиш учун ҳуқуқни муҳофаза қилиш органларига юборилган.